საფრანგეთში საზოგადოებრივ ტუალეტში ეკატერინა მედიჩის თმის სამაგრი იპოვეს

13:52 - 20.06.12

ამობეჭდვა444 ზომა:

საფრანგეთში ფონტენბლოს სასახლის ტერიტორიაზე საზოგადოებრივ ტუალეტში თმის სამაგრი იპოვეს, რომელიც სპეციალისტების აზრით, დედოფალ ეკატერინე მედიჩს ეკუთვნოდა. ინფორმაციას ამის შესახებ Associated Press-ი ავრცელებს.

მედიჩის აქსესუარი საზოგადოებრივი ტუალეტის სარესტავრაციოდ მოსამზადებელი სამუშაოების დროს იპოვეს. როდესაც რესტავრატორებმა თმის სამაგრი ყურადღებით დაათვალიერეს, მასზე ინიციალი "С" შენიშნეს, რომელიც მედიჩის სახელის პირველ ასოს წარმოადგენს (Catherine de Medicis). ამის გარდა ექსპერტების ეჭვი დაადასტურა სამაგრის ერთ ნაწილში დატანილმა თეთრმა და მწვანე ფერმა, რომელიც საფრანგეთის დედოფალს ძალიან უყვარდა.

თუ როგორ აღმოჩნდა თმის სამაგრი ტუალეტში, გაურკვეველია. სავარაუდოდ, სამკაული სასახლიდან მოიპარეს, შემდეგ კი მძარცველმა იგი ტუალეტში დაკარგა ან დარჩა. რა ბედი ელის თმის სამაგრს ამის შესახებ ინფორმაცია არ ვრცელდება.

ეკატერინა მედიჩი 1519 წლის 13 აპრილს ფლორენციაში დაიბადა. 14 წლის ასაკში იგი დაინიშნა საფრანგეთის მომავალ მეფეზე ჰენრიხ დე ვალუაზე. 1533 წელს წყვილი დაქორწინდა. 1547 წლის მარტში ჰენრიხი ტახტზე ავიდა, ეკატერინე კი საფრანგეთის დედოფალი გახდა.

ამავე კატეგორიიდან:

24.05.13 - 13:03 - პასიური მოწევა ბავშვის ფსიქიკას აზიანებს

23.05.13 - 11:21 - მეცნიერებმა ინფექციების საწინააღმდეგო ვიტამინი დაასახელეს

23.05.13 - 10:40 - Forbes -ის ვერსიით ბილ გეიტსის ცოლი პლანეტის გავლენიან ქალთა სამეულში მოხვდა