სირიის თავდაცვის მინისტრი დაუდ რაჯიხა ტერორისტულ აქტს ემსხვერპლა. აფეთქება ტერორისტმა- თვითმკვლელმა მოახდინა.

ინციდენტის დროს მძიმედ დაიჭრა სიირის მთავრობის რამდენიმე მინისტრი და მაღალჩინოსანი. ამის შესახებ სააგენტო France-Presse იუწყება. ლიბიის ტელეარხ "ალ-მანარის" ინფორმაციით, ქვეყნის შინაგან საქმეთა მინისტრი ასიფ შაუკატი, რომელიც ბაშარ ასადის ნათესავია, მრავლობითი ჭრილობებით მოგვიანებით საავადმყოფოში გარდაიცვალა.

ტერორისტმა უშიშროების სამსახურის შენობაში შეაღწია, სადაც ძალოვანი სტრუქტურების ხელმძღავნელებისა და სხვა მინისტრების შეხვედრა მიმდინარეობდა. CNN-ის ცნობით, ტერაქტი თავდაცვის მინისტრის დაცვის წევრმა განახორციელა.

დამასკოში სამთავრობო ჯარებსა და ამბოხებულებს შორის შეიარაღებული შეტაკებები მეოთხე დღეა გრძელდება. ბრძოლამ უკვე პრეზიდენტის სასახლის შემოგარენთან გადაინაცვლა.