დემოკრატები კახეთში სტიქიის შედეგებს ებრძვიან - ქრისტიან

ქრისტიან-დემოკრატები კახეთში სტიქიის შედეგებს ებრძვიან

14:22 - 20.07.12

ამობეჭდვა388 ზომა:

ქრისტიან-დემოკრატები დღეს ლაგოდეხის რაიონის სოფელ აფენში იმყოფებოდნენ. მოძრაობის ლიდერებმა მოინახულეს დაზარალებული ოჯახები და მათ პრობლემებს ადგილზე გაეცნენ.

სოფელში ადიდებულმა მდინარე არეშმა მთლიანად დატბორა მოსახლეობის საცხოვრებელი სახლები და გაანადგურა მათი სამეურნეო სავარგულები. გიორგი თარგამაძემ, მაგდა ანიკაშვილმა და ლევან ვეფხვაძემ პირადად მიიღეს მონაწილეობა დატბორილი სახლების გასუფთავებასა და რეაბილიტაციაში.

გიორგი თარგამაძის განცხადებით სტიქიით დაზარალებულთა დახმარების კუთხით მობილიზებულია "ქრისტიან-დემოკრატიული" მოძრაობის რეგიონული ორგანიზაციებიც ასევე შექმნილია 8 მობილური ჯგუფი რომელიც სტიქიის შედეგების ლიკვიდაციაზეა ორიენტირებული".

"ჩვენ ადგილზე გავეცანით სტიქიის შედეგებს, სიტუაცია საკმაოდ მძიმეა, მწვავედ დგას სახლების სახურვების აღდგენისა და რეაბილიტაციის საკითხი. სერიოზული მუშაობა იქნება ჩასატარებელი და ჩვენც აქტიურად ჩავერთვებით სამუშაოებში, რომ ობიექტურად შეფასდეს ის დანაკლისი და დანაკარგი, რომელიც აქვს მოსახლეობას, რათა მათზე გაიცეს ადეკვატური ოდენობის კომპენსაციები. ამიტომ ჩვენ მხარს დავუჭერთ არა მხოლოდ საპარლამენტო რიგგარეშე სხდომის მოწვევას, არამედ მნიშვნელოვან საბიუჯეტო ცვლილებებს, რომელიც ოდნავ მაინც შეუმსუბუქებს კახეთის ოჯახებს იმ მძიმე ზარალს, რომელიც მათ სტიქიამ მიაყენა."- განაცხადა გიორგი თარგამაძემ.

ქრისტიან დემოკრატები დღესვე გაემგზავრებიან თელავსა და გურჯაანში, სადაც მონაწილეობას მიიღებენ სარეაბილიტაციო სამუშაოებში.

ამავე კატეგორიიდან:

18.06.13 - 17:00 - ავტოავარიის შედეგად საქართველოში რუსეთის მოქალაქე დაიღუპა

14.06.13 - 10:42 - სტუდენტები ,,უმაღლესი განათლების შესახებ" კანონში დაგეგმილ ცვლილებებს გააპროტესტებენ

13.06.13 - 16:03 - პარლამენტის შენობის დახურულ აივანზე ტემპერატურა 53 გრადუსს აღწევს