ჟენია ტარაკინისა და დიმა ვოლოშინის დაღუპვის ადგილამდე მისვლას 2 დღე დასჭირდა. გარდაცვლილი მთასვლელები 15-კაციანმა სამაშველო ჯგუფმა 3,500 მეტრის სიმაღლეზე აღმოაჩინა და მათი გადაყვანა გადმოსვენებისთვის ხელსაყრელ ადგილზე შეძლო.

უბედური შემთხვევის შესახებ ადგილობრივ მთამსვლელებს და მაშველებს ერთ-ერთი დაღუპული ალპინისტის ძმამ შეატყობინა. უშბის დასალაშქრად ოთხი უკრაინელი მთამსვლელი 13 ივლისს გაემგზავრა. მწვერვალიდან დაშვებისას დამცავი მექანიზმი დაზიანდა, რის გამოც ბაგირი გაწყდა და ალპინისტები ხევში გადაიჩეხნენ.